Cadawga oo Jabay

Warar dheeri ah ayaa ka soo baxaya dagaalkii shalay ka bilowday nawaaxiga Garoonka Balidoogle ee Gobolka Shabeelada Hoose.

Dagaalkii shalay dhexmaray Mujaahidiinta Jabhadda Islaamiga Soomaaliyeed(JABISO) oo ay iskaashanayaan kuwa Midowga Maxaakiimta Islaamiga Soomaaliyeed iyo camiisha DFKMG ee la shaqeysa Gumeysiga Itoobiya ayaa wararku sheegayaan in xooggagga mujaahidiintu ku furteen gaadiid iyo sahay farabadan.

Sarkaal sare oo ka mid ah JABISO oo u waramay warbaahinta ayaa xaqiijiyay in ay gacanta uga dhigeen ciidamadaasi 22 gaari oo isugu jira Candhameydlayaal, inatereeyo, UD, Basas oo ay saarnaayeen sahay kala nooc ah iyo shidaal fara badan.

Isla ilahaas ayaa intaa ku daray in gawaari kala duwan oo qaar ay yihiin Tikniko oo lagu qiyaasay inta u dhaxeysa 8-9 ay baxsadeen kuwaas oo la sheegayo in ay gaareen deegaanka lego ee Gobolka Shabeelada Hoose markii ugu wardanbeysay.

Sarkaalka u hadlay JABISO oo ka gaabsaday in la shaaciyo magaciisa ayaa yiri “Mujaahidiintu Dagaal culus ka dib alle SW waxa uu u suuro galiyay in ay cadowga kala haraan baabuur gaaraysa 22 oo ay ugu talo galeen in ay sahayna ku sii qaataan Ciidamo uu Gumeysiga Itoobiya soo tabo barayna ku soo daabulaan si ay colaad iyo xasuuq hor leh uga bilaabaan Magaalada Muqdisho, marka illaahay mahadii intii kale way carareen iyaga dhag aan la qabta lahayn 22 gawaarina mujaahidiintu gacanta ayuu alle u soo galiyay, Sidoo kale waxa uu sarkaalkaasi sheegay in aysan marna ogolaanayn in cadowga illaahay iyo dabo dhilifyadiisa in ay si nabad ah ku maraan jidadka iyaga oo isaga kala gooshaya gobolada Dalka Soomaaliya waxaana uu yiri “marna uma ogolaanayno in cadowga illaahay iyo dabo dhilifkiisaba ay iska dhex mushaaxaan jidadka isla markaana ay ciidamadooda iyo hogaamiyayaashooda si nabad ah ku maraan wadadii ay doonaan, jid walba ayaan ugu jirnaa insha allaah wayna ka go ayaan in ay dhaq-dhaqaaq danbe sameeyaan”

Mar wax laga waydiiyay sarkaalkaasi waxyeelada dhinacooda soo gaaray ayaa waxa uu noo xaqiijiyay in ay ka shahiideen dhinacooda 3 mujaahid 5 kalana ay ka dhaawacmeen.

Ma jirto illaa iyo hadda wax war ah oo ka soo baxay dhinaca kooxda Mbagathi ee dabadhilifka u ah cadowga Illaahay, iyadoo ay caado u tahay in ay isku dayaan in ay indhaha caalamka ka qariyaan jabka kasta oo ay mujaahidiinta Soomaaliyeed u gaystaan.

Waxaa maalinba maalinta ka danbaysa soo badanaya qasaaraha iyo jabka ay la kulamayaan camiisha Ethiopia ee ina Yeey iyo Zenawi madaxda u yihiin, halka Ilaahay guusha siinayo mujaahidiinta Soomaaliyeed ee xaq u dirirka ah.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s